Sabon salo: Amarya ta zo auren ta a bisa tarakta

– Sai ga Amarya ta zo auren ta a cikin tarakta

– Kawai sai aka hango Amarsi cikin motar gona

– Shi kuma Ango ya hawo gingimari

An ga abin mamaki a kwanan nan, yayin da wata Amarya ta hawo motar gona watau tarakta ta hallara wurin daurin auren ta. An dai saba ganin Amare a kan dawaki ko keken su, amma da wuya idan an taba samun wanda ta zo auren ta bisa tarakta.

Amarya Aisling Graham tace bayan ta sa rigar ta, sai kawai ta kama tarakta ta hayo, ga kuwa taraktan nan an yi mata kwalliya kamar yadda aka saba kawata abin hawan amare. Nan fa Amarya Aislimg ta dunfaro wurin daurin auren na ta a cikin motar gona.

Aisling Graham tace tana da sha’awar tarakta, tace tun tana yarinya karama ta ke tuka tarakta, don kuwa ta taso ne cikin gidan noma. Tun Aisling tana karama dai tace a bisa tarkata ta gona za ta hallarci auren ta. Mijin ma dai ba a bar sa a baya ba, don kuwa a cikin wata gingimari aka hango gogan.

Kwanaki dai haka wani Balarabe ya saki ‘Yar Amaryar matar sa jim kadan da daura masu aure. Ango ya ga matar ba tare da kwalliyan da ya saba ba a karo na farko. Abdul Azeez Azif Asaf mai shekara 34 ya rabu da amaryar sa ‘Yar shekara 28 yace ashe duk yaudarar sa aka yi tayi a da da kayan shafa.

[NAIJ Hausa]