Farashin man fetur ya tashi

Madalla: Farashin gangan man fetur yayi sama

– Farashin gangan man fetur ya lula sama

– Fiye da shekara guda kenan rabon da kudin gangar mai ya kai haka kudi

– Sai dai shin za a dore a haka?

Farashin gangar mai a Duniya ya daga sama fiye da yadda aka sa rai. Rabon da man fetur yayi wannan kudi dai tun Watan Yuli 2015. Jaridar Bloomberg dai ta bayyana haka tana kuma mai shakkan ko farashin zai dore a haka.

Yanzu haka dai kusan kudin gangan mai ya kai Dala $58.37 a farkon shekarar nan. Hakan dai ya yiwu ne bayan an cin ma wata yarjejeniya tsakanin Kasashen OPEC da wadanda ba su cikin Kungiyar OPEC din.

Kasashe irin su Kuwait sun amince su rage yawan man fetur din da suke hakowa a Kasa a kullum. An dai shuga sabuwar shekara da labara mai dadi, musamman a Kasashe irin su Najeriya da suka dogara da kudin mai.

Haka kuma har wa yau Kamfanin mai na Kasa watau NNPC ya fitar da jeringiyar sunayen Kamfunan da aka ba damar shigo da mai cikin Kasar nan wannan shekarar. A ciki akwai Kamfunan ‘Yan Kasuwar Najeriya guda irin su Wale Tinubu da kuma A.A Rano.

[NAIJ Hausa]