Majalisar Dinkin Duniya tayi sabon Shugaba

– Anotonio Guterres ne sabon Shugaban Majalisar Dinkin Duniya

 

– Guterres zai maye gurbin Ban-ki Mon wanda wa’adin sa ke karewa

 

– Sabon Shugaban Zai hau kujera wata mai zuwa

 

An nada sabon Shugaban Majalisar Dinkin Duniya

Majalisar Dinkin Duniya ta samu sabon Shugaba wanda zai maye gurbin Shugaba Ban-Ki Mon yayin da wa’adin sa ya cika. Ban-Ki Mon zai sauka daga kujerar ne Ranar farkon shekara mai zuwa. 

Antonio Guterres tsohon Firayim Ministan Kasar Portugal ne na Kasar Turai, ya kuma rantse cewa idan ya hau zai yi gaskiya. Tsohon Firayim Ministan yayi alkawarin bin dokoki da muradun Majalisar Dinkin Duniya yayin da ya dare Shugabanci. 

Shekaran Jiya ne Jaridar Premium Times tace an gama shirin nada Ministar Kasar nan, Amina Mohammed a matsayin Mataimakiyar Shugabar Majalisar Dinkin Duniyan, kuma nan da wani dan lokaci za a sanar. Sai dai har yanzu ba a samu wani bayani ba. Fadar Shugaban Kasa dai tace ba ta san wannan maganar ba.

Sabon Sabon Shugaban Majalisar Dinkin Duniyan, Antonio Guterres yace zai kawo gyara a Majalisar. Antonio Guterres yace dole a ga canji.