– An shiga rudani Jiya a Unguwar PZ
da ke Garin Zaria
– Wani Jami’in tsaron wani Banki ya
shiga harbi babu gaira-babu dalili
– Wannan
abu ya faru ne a Bankin Zenith
A Jiya Jumu’a da safe,
Mutanen Garin Zariya sun shiga cikin wani rikici. Jama’a da dama dai sun dauka
fashi aka yi kokarin yi a Unguwar PZ. An samu takaddama har ta kai ga rashi a
wani Banki da ke Unguwar PZ.
Wata Majiya tace wani
Jami’in tsaro na Bankin Zenith da ke Unguwar ne ya shiga harbin iska, babu
dalili. An bayyana cewa Jami’in da ke tsare da Bankin ya samu ja-in-ja da wani
Soja, daga nan kurum ya shiga harbi hagu da dama.
An ce mutane uku sun rasa
rayukan su, ciki akwai dalibin Makaranta guda. Jami’in da ke tsare da Bakin dai
Jami’in Mobile Police ne. Mutane da dama sun dauka fashi aka yi kokarin yi. Sai
daga baya da muka leka wurin mun ga abubuwa sun lafa. Amma da alamu an rufe
Bankin tuni.
Kwanan nan ne dai aka yaye
Sojoji daga Barikin da ke Sabon Garin Zaria. A wancan Asabar din ne wasu
kuratan Sojin su ka gama horon na su.
A karanta labaran mu a NAIJ Hausa
No comments:
Post a Comment