Osinbajo yayi doguwar waya da Buhari

– Shugaban kasa na rikon-kwarya Osinbajo yayi doguwar waya da Buhari

– Osinbajo ya sanar da Buhari cewa ana zanga-zanga

– Buhari na cikin koshin lafiya Inji Mataimakin Sa

Mukaddashin shugaban kasa Yemi Osinbajo ya kara tabbatar da cewa Muhammadu Buhari na nan cikin koshin lafiya. Osinbajo yace kuma Buhari zai dawo Najeriya yana kammala gwajin da yake yi a asibiti.

Osinbaji yayi doguwar waya da Muhammadu Buhari ya kuma bayyanawa ‘Yan Jaridan da ke Fadar shugaban kasar abin da suka tattauna a wayar. Osinbajo yace sun tattauna ne game da tattalin arzikin kasa da kuma batun kasafi da Buhari.

Mukaddashin shugaban kasa Osinbajo yace ya kuma fadawa Buhari cewa ana zanga-zanga a kasar inda mutane ke kuka musamman game da tattalin arziki. Sannan kuma dai Osinbajo yayi watsi da rade-radin cewa ana nema a tursasa ya sauka daga kan kujera, yace babu wanda ya isa.

A jiya ne aka gudanar zanga-zanga ga Gwamnatin Buhari  saboda halin da ake ciki a Kasar a halin yanzu. Wani Babban Jigo  Jam’iyyar APC mai mulki Asiwaju Bola Ahmed Tinubu yayi kira ga ‘Yan Najeriyan da su kara hakuri.

[NAIJ Hausa]