Ana nema a tsige Donald Trump

– Dubun dubatar mutane suna nema a tsige shugaba Trump na Amurka

– Mutane sama da 650, 000 suna goyon bayan an tsige Donald Trump

– Shugaba Trump dai na ta kara rasa farin jini

Mutane sama da 650, 000 su ke yunkurin ganin an tsige shugaban kasar Amurka Donald Trump daga kujerar sa. Amurkawa dai na ta kara nuna rashin goyon bayan su da sabon shugaban na su Donald J. Trump.

Tun ranar da Trump yah au mulki dai aka fara shirin ganin an sauke sa. Kungiyoyi da dama irin su RootsAction da FreeSpeech suka tashi tsaye wajen ganin Trump ya bar Gidan White House. Yanzu haka dai an samu mutane 655, 363 da suka yi mubaya’a da a tsige Trump.

Donald Trump yana kokarin gina katanga tsakanin Amurka da Kasar Mexico ya kuma dage wajen ganin an kori baki a Amurka. Ko da dai Kotu ta taka masa burki amma Trump yace ba wasa yake yi ba. Trump yace tuni har an fara aikin katangar da sauran su.

[NAIJ Hausa]