MMM: ‘Yan Najeriya sun tafka katuwar asara

Kusan mutane miliyan 3 na Najeriya suka tafka muguwar asara bayan tsarin nan na MMM ya rushe Inji shugaban Hukumar NDIC

Shugaban Hukumar NDIC Umaru Ibrahim yake bayyana cewa ‘Yan Najeriya kimanin miliyan 3 ne ta sha da su misilla bayan tsarin cacar nan na MMM ya rushe. Umar Ibrahim yace ya samu wannan bayanan ne a kafafen yada bayanai na zamani.

Idan ta tabbata kamar yadda ya zo a Jaridar Daily Trust, Najeriya tayi asarar Naira biliyan 18 a tsarin nan na MMM mai nunka kudi. Shugaban NDIC din ya bayyana haka ne a jiya wajen wani taro da aka yi a kasuwar baja-kolin Duniya a Kaduna.

Tun dama can an gargadi ‘Yan Najeriya game da irin wadannan tsare-tsare, sai dai Jama’a da dama suka yi kunnen-kashi, to ga irin ta nan dai, yanzu makudan kudin Jama’a da dama ya tafi har abada.

[NAIJ Hausa]