– Dan takara Donald Trump yayi wa Hillary Clinton gaba Inji Gidan BBC
– Trump dan takarar Jam’iyyar Republican ya buge ‘Yar takarar Democrat Hillary Clinton a zaben wani Yanki
– Ana zaben sabon Shugaban Kasa a Amurka
Rahotannin zabe daga Gidan BBC na
cewa Donald Trump na kan gaba a zaben wasu Yanki na Kasar Amurka. BBC ta ce
Trump ne gaba a kuri’u na wasu Jihohin Kasar da ka iya yin tasiri a zaben. Ana tunanin irin wadannan Jihohin
ne za suyi tasiri wajen zaben Sabon Shugaban Kasar na Amurka.
Dan takara Donald Trump;
wanda ya saba kawo rikici ya samu nasara a Jihohin Florida, Ohio da kuma
Carolina ta Arewa. Ita kuma Misis Hillary Clinton ta kawo Virginia. Sannan kuma
ana kusa da gane wanda yayi nasara a Pennslyvania; wanda yanzu ana kusan
daf-da-daf. BBC tace Donald Trump ya ci Utah, Alabama, Indiana, Texas, Kansas,
dsr.
A Garin Michigan kuwa, inda
Jam’iyyar su Clinton ke da karfi, shima ana kunnen-doki tsakanin ‘Yan takaran.
Rabon da Mutanen Michigan su zabi Dan Jam’iyyar Republican tun shekaru kusan 30
da suka wuce. Hillary Clinton ce gaba California, New York, New Jersey,
Illinois, Colarado, New Mexico, Washington, dsr.
Donald Trump ya bayyana cewa
yayi farin cikin lashe Garin Ohio, wanda tun lokacin Shugaba Bush ba su kara
zaben dan Jam’iyyar Republican ba. Donald Trump ya buge Clinton a Yankunan
Kudu, ita kuma tayi nasara a Yankin Arewa maso yamma. Yanzu haka har dala ta
fara fadi saboda nasarar da Trump ke samu.
No comments:
Post a Comment