JAMB ta soke amfani da kati

Hukumar Jarrabawar JAMB ta kashe amfani da kati 'Scratch Card'

– JAMB ta kashe amfani da kati wajen jarrabawa a Kasar

– Hukumar tace tuni an daina yayin wannan tsari

– JAMB din ta kuma bayyana cewa akwai rashin gaskiya a shirin

Hukumar Jarrabawar JAMB ta kashe amfani da kati a fadin Kasar kamar yadda aka saba. Shugaban Hukumar Jarabawar JAMB din Farfesa Ishaq Oloyede ya bayyana haka a wannan makon. Ishaq Oloyede yace daga yanzu ba za a kara amfani da katin nan ba wajen rajista ko makamancin sa.

A baya dai JAMB din tana saida wani kati ne wanda ake amfani da shi wajen Rajista da kuma duba sakamakon Jarabawar ta shiga Jami’a. Sai dai Yanzu Hukumar ta JAMB ta kashe wannan tsari, tace akwai badakala a ciki.

  

Hukumar ta JAMB ta sanar da hakan ne ta bakin mai magana da yawun ta a wajen wani taro da Shugabannin Jami’a a Abuja. Hukumar Jarabawar JAMB din na ganin akwai hanyoyin cuwa-cuwa ta tsarin katin nan, hakan ta sa aka kawo wani sabon tsari da ake kira PIN.

Har wa yau Ishaq Oloyede ya kira Gwamnati da ta koma yadda aka saba a baya, watau nada Tsofaffin Shugabannin Jami’o’i a matsayin wadanda zasu rike Hukumar JAMB din ta Kasa. Haka kuma Majalisar Dattawar Kasar ta kara wa’adin Jarabawar zuwa shekaru uku.

A baya dai Gwamnatin Kasar ta soke Jarrabawar Post-UTME da ake yi wajen shiga makarantun Jami'a. 

A Karanta cikakkun labarai a NAIJ.com

Twitter: @Ya_waliyyi