An kashe wani mutumi don yayi bawali gefen Coci a Kasar Jamus

An kashe wani mutumi don yayi fitsari kusa da Coci

– ‘Yan Sandan Kasar Jamus sun tabbatar da cewa an kashe wani mutum har lahira don kawai yayi fitsari kusa da wani Coci 

 

– Wasu mutane hudu suka kama wannan mutumi da duka, har aka yayi sanadiyar rasa ran sa

 

– Wannan abu ya faru ne a Garin Freiburg Kudancin Jamus

 

‘Yan Sandan Kasar Jamus sun tabbatar da cewa an kashe wani mutumi har lahira don kawai yayi fitsari kusa da wani Cocin Katolika a Garin Freiburg da ke Kudancin Jamus. Wasu mutane guda hudu dai suka kama wannan mutumi da duka har aka yi sanadiyar rasa ran sa don kawai yayi bawali kusa da wani Coci a Ranar Alhamis ta Jiya.

Wadannan mutane sun shiga zagin wannan mutumi yayin da ya zo zai yi fitsarin, daga baya kuma suka rufe sa da shegen duka har suka ga bayan sa. Wannan mutumi dai tsoho ne, mai shekaru kimanin 51. 

Yanzu haka dai ‘Yan sandan Birnin Freiburg sun bazama neman wadannan mutane da suka aikata wannan laifi. Wannan abu dai ya faru ne a Jiya Alhamis, a Garin Freiburg da ke can Kudancin Kasar, mafi yawan mutanen Garin dai Mabiya Cocin Katolika ne.

A Kasar Jamus dai fitsari a waje, musamman ginin Coci, babban laifi ne, ana zargin bawalin da ake yawan yi ke sa wasu gine-ginen suna rushewa, Hukuma ta kan dauki mataki mai tsananin ga mutanen da aka kama suna fitsari a waje.

[NAN]

Twitter: @Ya_waliyyi