UCL: Juventus za ta kara da Real Madrid

Champions League: Juventus za ta kara da Real Madrid a wasan karshe

– Wannan karo ma dai Kungiyar Real Madrid karasa zagayen karshe a gasar Champions League

– Real Madrid na iya kafa tarihin da ba a taba ba

– Babu kungiyar da ta taba cin kofin sau 2 a jere

Duk da Real Madrid ta sha kashi a hannun makwabtan ta Atletico Madrid ta isa wasan karshe. Watakila Real Madrid din tayi abin da ba a taba yi ba bana. A shekarar 98 dai Real Madrid ta doke Juventus a wasan karshe.

An dauki shekaru da dama babu Kungiyar Kasar Italiya da ta dauki kofin UEFA Champions League na zakarun Nahiyar Turai tun bayan AC Milan. A wata fafatawa da aka yi a 1998 dai Real Madrid ta doke Juventus a wasan karshe.

Bara dai Real Madrid din ce ta dauki kofin ko wannan karo za ta bar tarihi tayi abin da ya gagari kowa na daukar kofin sau 2 a jere. Atletico dai ta doke Real Madrid a wasan  da ci 2- 1, sai dai wannan bai yi tasiri ba don Real Madrid din tayi nasarar 3-0 a wasan farko.

Jiya kun ji cewa Juventus ta isa zagayen karshe a gasar UEFA Champions League na zakarun Nahiyar Turai bayan ta doke Monaco ta Faransa da ci 2-1. A zagayen farko Juventus tayi nasara da ci biyu da nema.

[NAIJ Hausa]