Za a fara daure masu yin kaciya

A Kasar Egypt za a fara kama masu yi wa mata kaciya

 

– Kasar Masar za ta dauki mataki mai tsanani ga masu yi wa ‘ya ‘ya mata kaciya

 

– Za a daure duk wanda aka kama na shekaru 15 kamar yadda  Majalisa ta amince

 

– Za a rika lura da kowane Asibiti ganin an hana kaciya ta mata

A Kasar Egypt, yanzu an kafa doka mai tsanani ga duk wanda aka kama yayi wa diya mace kaciya. Sabuwar dokar da aka sanya kwanan nan za ta sa a daure mutum na shekaru da dama a gidan kaso idan aka kama sa da laifi. 

Kasar Egypt din dai tayi garambawul ga dokokin Kasar inda yanzu za a iya jefa mutum yari na shekaru 15 idan har aka kama sa da laifin yi wa yara mata kaciya. A Ranar Talata da ta wuce ne dai Majalisar Kasar ta saka hannu kan wannan doka. 

Ma’aikatar Lafiya ta bada sanarwar cewa daga yanzu, Gwamnati za ta rika bibiyar duk Asibitocin Kasar ganin an kawo karshen kaciya da ake yi wa mata, watau abin da ake kira FGM. Ko a baya dai an taba kame wani Likita bayan da yayi wa wata yarinya kaciya. 

An saba yi wa mata kaciya musamman a Kasashe irin su Masar, wasu na ganin dai hakan yana da illa ga ‘ya mace. Sai dai yanzu an fara samun sauki Inji Hukumar UNDP.

[NAIJ Hausa]

Abin mamaki: ‘Yar shekara 10 ta haihu

 

Wata yarinya mai shekara 10 a duniya ta zama uwa

– Wata Yarinya mai shekara 10 ta haihu a Kasar Kenya

 

– Wannan yarinya ta zama ‘yar autan uwaye a bara

 

– Ko shin ta ina ta samu juna biyu?

Wata karamar yarinya mai shekara 10 da haihuwa a duniya ta haifi wata itama. Wannan abin al’ajabi ya faru ne a Kasar Kenya a shekarar bara watau 2015.

Wannan yarinya mai shekara goma a duniya. Gladys Chelagat ta kafa tarihi, inda ta zama uwar da ta fi kowace karanci shekaru a duniya. 

Likitoci dai sun ce Gladys ta sauka lafiya, inda ta haifi jariri mai nauyin kusan kilo uku. Sai dai da aka yi aiki, sannan aka samu cire jaririn da aka samu. An yi wannan aiki ne a wani Asibiti a Kasar Kenya. 

Wani mutumi ne dai mai shekara 60 yayi wa wannan karamar yarinya ciki, wannan mutumi ya kasance mai kula da ita tun tana ‘yar karama. Wannana abu dai ya ba kowa mamaki kwarai da gaske. Wannan abu ya faru ne a Watan Yunin bara.

[NAIJ Hausa]

Wani Dalibi daga Najeriya ya ciri tuta a Ingila

Wani Dan Arewa ya taka rawar gani

– Wani dalibi daga Arewa ta Najeriya ya taka rawar gani a Kasar Ingila

 

– Marzuq Ungogo ya gama da mataki na farko a karatun digirin san a biyu

 

– Haziki Marzuq Ungogo ya kammala digirgir a Jami’ar Glasgow

 

 

Wani dalibi dan Arewa ya ciri tuta a can nesa Kasar Ingila. Marzuq Ungogo ya gama da matakin farko wajen karatun Digirin sa a Jami’ar Glasgow ta Kasar Birtaniya.

Marzuq mutumin Kasar Kano ne, kuma yayi Digirin sa a Jami’ar nan ta Ahmadu Bello ta Zariya, inda ya karanta Ilmin likitan dabbobi. Ko a Digirin na sa na farko dai, Marzuq ya ciri tuta a Jami’ar, inda ya ko kammala da matakin farko watau ‘first class’ a shekarar 2014.

Wannan haziki ya samu shaidar karantar Ilmin da ke lura da yadda magunguna ke aiki a jikin halittu watau ‘Clinical Pharmacology’ a Jami’ar Glasgow da ke Kasar Birtaniya. 

Kwanaki ma dai an samu wani gwarzo dan Arewa mai suna Adamu Tilde da ya taka rawar gani a wata Jami’ar Kasar Hungary. Shi ma Tilde, ya kware ne a fannin ilmin dabbobi. 

Allah ya kara mana irin su.

Wayoyin Salula za su daina whatsapp

Za a haramtawa wasu salula whatsapp

– Miliyoyin wayoyi za su daina amfani da whatsapp

– Daga karshen shekarar nan, za a haramtawa wasu salula whatsapp

– Wayoyi na kirar Android, Windows da IOS za su gamu da matsala

 

Wayoyin salula da dama irin na zamani za su gamu da cikas zuwa karshen wannan watan na Disamba. Za a haramtawa wayoyi da dama amfani da kafar sadarwa ta whatsapp kawo karshen wannan shekarar. 

Gidan Facebook ne dai suka saye kamfanin whatsapp a kwanakin baya, Miliyoyin mutane dai kuwa suna amfani da kafar whatsapp wajen aika sakonni. Sai dai masu wayoyi irin na da; kamar su Windows, Android da IOS ba za su samu damar cigaba da amfani da whatsapp ba.

 

Whatsapp din tace tsofaffin wayoyin ba za su iya cigaba da amfani da manhajar ba, watakila har sai nan da zuwa shekarar mai zuwa. Wayoyi irin su Apple da tsofaffin Android za su bar whatsapp. 

Haka nan ma kuwa, masu wayar Blackberry da Nokia za su gamu da babban cikas na amfani da manhajar whatsapp har sai nan da tsakiyar shekara mai zuwa. An dai dade ana amfani da whatsapp wajen aika sakonni.

Abubuwa 10 da ya kamata ka sani game da Fidel Castro

– Tsohon Shugaban Cuba Fidel Castro ya bar duniya Ranar Jumu’a

 

– Fidel Castro ya rasu yana da shekaru 90

 

– Tsohon Shugaban ne ya jagoranci juyin juya-halin da aka yi a Kasar Cuba shekaru 50 da suka wuce

 

Shin Wanene Fidel Castro?

 

 Castro kenan yana busa karar sa 'yar gida

Yayin da ake zaman makokin Fidel Castro a Kasar Cuba. Mun kawo maku dan takaitaccen Tarihin sa.

•  An haifi Fidel Castro a shekarar 1926, a Garin Oreiente da ke Yammacin Kasar Cuba
• 
  
• An daure Fidel Castro a shekarar 1953 bayan yayi yunkurin kifar da Gwamnati
• 
  
• A shekarar 1955 aka saki Fidel Castro daga Gidan Yari
• 
  
• A shekarar 1959 ya samu kifar da Gwamnatin Shugaban Kasar lokacin, ya zama Shugaba
• 
  
• A shekarar 1961 ya yaki harin da wata Kungiya da CIA ta Amurka ta marawa baya ta kawo masa
•  
•  A shekarar 1976 Majalisar Kasar Cuba ta zabi Fidel Castro a matsayin Shugaban Kasa
• 
  
• A kuma shekarar 1976 ya kulla yarjejeniya da Kasar Amurka  game da ‘Yan gudun Hijira
• 
  
•  A shekarar 2006 ya sauka daga Shugabancin Kasar Cuba 
• 
  
• Dan uwan sa Raul Castro ya gaje sa
•  
• Fidel Castro ya mutu a shekarar 2016 yana mai shekaru 90 a duniya. 

[BBC]